გაბანძებული პარკინგი

გაბანძებული პარკინგი

რიყის პარკის მიწისქვეშა პარკინგი 1 წლის წინ გაიხსნა, მაგრამ უკვე გაბანძებულია 🙁 არ მუშაობს პარკინგის ღირებულების გადასახდელი აპარატი. შლაგბაუმს თანამშრომლები მას შემდეგ აღებენ, რაც ავტომობილის ნომერს და შესვლის დროს ჩაიწერენ. პარკინგი თითქმის მთლიანად ჩაბნელებულია, გადამწვარია, ან უბრალოდ არ არის ჩართული ნათურების 90 პროცენტი. არადა შესასვლელთან არსებული ბანერი იუწყება, რომ აქ ვაი-ფაიც კი მუშაობს, არა თუ განათება. გამოსვლისას გადასახდელი თანხის მოცულობა იმაზეა დამოკიდებული თუ როგორ იცის არითმეტიკა პარკინგის დარაჯმა. ჩვენს შემთხვევაში 40 წუთში 2 ლარი მოითხოვა და დიდი ალბათობით მთლიანად ჩაიჯიბა.

კაზანტიპი საქართველოზე

კაზანტიპის კლიპი საქართველოს სითბოს, სილაღის, სიყვარულისა და სტუმართმოყვარეობის შესახებ.

ჟენევის ტრამვაი

ბევრ ქართველს შემთხვევია სიტუაცია, როდესაც ევროპის რომელიმე ცნობილ ქალაქში ტაქსით სარგებლობის შემდეგ შეხვედრაზეც დაგვიანებია და ჯიბეც საგრძნობლად შეუთხელებია. ასეთ გასაჭირს ჟენევაში ტრამვაი აგარიდებთ. საზოგადოებრივი ტრანსპორტით სარგებლობის ტალონს სასტუმროში უფასოდ მიიღებთ, ხოლო ტრამვაის სისტემა შვეიცარიული საათივით გამართულად და ზუსტად მუშაობს.

Stadler Tango ZR

ჟენევის ტრამვაის სისტემას გამორჩეული დიზაინის მქონე ტრამვაი ამშვენებს. ყველაზე მეტ ყურადღებას ტრამვაის ეს მოდელი იპყრობს – შტადლერის “ტანგო” (Stadler Tango ZR) – ტანგოს მოცეკვავეს წააგავს რელსებზე 🙂

შტადლერის ტანგო

ამ თანამედროვე, მიმზიდველი დიზაინის შიგნით ისეთი ინტერიერი იმალება, რომელიც ცეკვასთან მწყრალად მყოფსაც კი აცეკვებს ტანგოს 🙂

ჟენევის ტრამვაი "ტანგო"

ტანგოსკენ გიბიძგებთ უამრავი საფეხური, მიხვეულ-მოხვეული გასასვლელი და სხვა უცნაურობები, რომლებსაც ბევრ თანამედროვე ტრამვაიში აღარ ვხვდებით (ეს “ტანგოს” ერთ-ერთ ძირითად ნაკლს წარმოადგენს).

შტადლერის ტანგო

ხედი ვატმანის კაბინიდან.

ვატმანი

ჟენევაში შტადლერის ტანგო 2011 წლიდან გამოჩნდა. ის 70%-იან დაბალიატაკიან ტრამვაით ითვლება. ვაგონში დახმარების გარეშე შესვლა და გამოსვლა შეუძლიათ შეზღუდული შესაძლებლობების მქონე პირებს, საბავშვო ეტლით მოსეირნე მშობლებს თუ მოხუცებს. 6 სექციანი ვაგონის სიგრძე 44 მეტრს შეადგენს, ცარიელის წონა 57 ტონაა, იტევს 260-მდე მგზავრს.

ტრამვაის საფეხურები

ყველა კარი აღჭურვილია ავტომატური პანდუსით, რომელიც ტრამვაისა და ტროტუარს შორის არსებულ მანძილს ფარავს. მისი მოქმედების პრინციპი კარგად ჩანს შემდეგ ვიდეოზე.

გაცილებით კომფორტულია, სალონში უფრო მეტი სივრცე აქვს და შიდა საფეხურების დაძლევა არ მოგიწევთ ბომბარდირის “ფლექსიტი აუთლუკში” (Bombardier 3000 Flexity Outlook Cityrunner).

Bombardier 3000 Flexity Outlook C

ამ 7 სექციანი ტრანსპორტისთვის სირთულეს არ წარმოადგენს ჟენევის ცენტრის ვიწრო ქუჩებში გადაადგილება. მისი სიგრძეა 42 მეტრი, სიმძიმე 50 ტონაა და შეუძლია 231 მგზავრის გადაყვანა.

ტრამვაი ბომბარდირი

ბომბარდირის ეს მოდელი ჟენავაში 2004 წელს გამოჩნდა და მას შემდეგ ჟენეველების და ჟენევის სტუმრების სიმპატიებს იმსახურებს.

Bombardier 3000 Flexity Outlook C

“ფლექსიტი” 100%-იან დაბალიატაკიან ტრამვაის წარმოადგენს, და მაში შესვლა-გამოსვლა თავისუფლად შეუძლიათ ეტლიან მგზავრებს. ისიც, ისევე როგორც “ტანგო”, აღჭურვილია გადმოსაკეცი მცირე პანდუსით, რაც ტრამვაის ტროტუართან კიდევ უფრო აახლოვებს.

ტრამვაის პანდუსი

ბომბარდირის ფლექსიტი გამოირჩევა სალონის მოცულობით, სივრცით.

ბომბარდირის სალონი

მის ზირითად ნაკლად შეიძლება ჩაითვალოს წკაპა-წკუპი, რომელიც ისმის “გარმოშკიდან” მოსახვევების გავლისას. აუფრო მეტ დეტალს აღმოაჩენთ ვიდეოში (1:46 წუთიდან).

რამდენიმე სიტყვა ჟენევის ტრამვაის უფრო ძველ ვაგონებზე. “დუევაგის” (Duewag-Vevey) სხვადასხვა მოდიფიკაციები ჟენევაში 1984 წლიდან გამოჩნდა და დღემდე ექსპლოატაციაშია.

 Duewag-Vevey Be 4/6   ასაკის მიუხედავად ტრამვაის ეს ვაგონები საკმაოდ კომფორტულია. მასში შესვლის საშუალება აქვთ შეზღუდული შესაძლებლობების მქონე პირებსაც და სალონში გაცილებით მეტი სივრცეა ვიდრე შტადლერის ტანგოში.    Duewag-Vevey Be 4/6  Duewag-Vevey Be 4/6

ასაკის მიუხედავად ტრამვაის ეს ვაგონები საკმაოდ კომფორტულია.

Duewag-Vevey Be 4/6 სალონი

მასში შესვლის საშუალება აქვთ შეზღუდული შესაძლებლობების მქონე პირებსაც და სალონში გაცილებით მეტი სივრცეა ვიდრე შტადლერის ტანგოში.

ჟენევის ტრამვაი

ჟენევაში “დუევაგის” ორ და სამსექციანი ვაგონები ერთმანეთს ჩაბმული მოძრაობენ. ტრამვაის ასეთი შემადგენლობის სიგრძე 53 მეტრია და შეუძლია 450 მგზავრის გადაყვანა. ცარიელ მდგომარეობაში შემადგენლობის ჯამური წონა 62 ტონამდე აღწევს.

Duewag-Vevey Be 4/6

ეს ვიდეო კი ჟენევაში დუავეგის მოძრაობის თავისებურებებს ასახავს.

ჟენევის ტრამვაის 2013 წლის რუკა

Genève Tramway network map 2010

ჟენევის ტრამვაი სათავეს იღებს 1862 წლიდან, რომელიც ცხენების მეშვეობით მოძრაობდა. 1889 წელს კი ორთქლის ძრავიანი ტრამვაი ამუშავდა, ხოლო 1894 წლიდან ჟენევაში ელექტროენერგიის ძრავიანი ტრამვაი გამოჩნდა. მას შემდეგ სისტემა სწრაფი ტემპით ვითარდებოდა და 1920 წელს მთელს ევროპაში ყველაზე დიდი ქსელის (119 კმ) ტიტული მოიპოვა. ის ჟენევას გარეუბნებთან ერთად საფრანგეთის ქალაქებთანაც აკავშირებდა. მეორე მსოფლიო ომის შემდეგ დაიწყო ტრამვაის დეგრადაცია და 1970 წლისთვის ჟენევაში მხოლოდ ერთი ხაზი შემორჩა. ტრამვაის აღორძინების პროცესი სათავეს ირებს 1995 წლიდან.

Geneva Tram, CERN

ამჟამად ქსელის სიგრძე 36 კილომეტრს შეადგენს და ის თითქმის ყოველ წელს იზრდება.

ძველი თბილისის კადრების ნაკრები

თბილისი 1882 – 1920 წლები

თბილისი, ვარაზის ხევი და მშენებარე ვაჟა ფშაველას გამზირი.

თბილისი – ხალხი, მეტეხი, რუსთაველის გამზირი და ქალაქის ხედები.

ჟენევის ტროლეიბუსი

ჟენევის საქალაქო ტრანსპორტის სახეობებში მნიშველოვანი ადგილი უკავია ტროლეიბუსს. მე არ ვარ მისი დიდი თაყვანისმცემელი, მაგრამ ჟენევის ტროლეიბუსის გამართულმა და მოწესრიგებულმა მოძრაობამ მაინც მიიქცია ყურადღება.