WizzAir-ის ახალი მიმართულებები

WizzAir-ის ახალი მიმართულებები

ავიაკომპანია “ვიზეარი” ქუთაისის საერთაშორისო აეროპორტიდან ევროპისკენ შვიდ ახალ მიმართულებას ამატებს. ესენია: ქუთაისი-ბერლინი, ქუთაისი-მიუნხენი, ქუთაისი-მილანი, ქუთაისი-დორტმუნდი, ქუთაისი-სალონიკი, ქუთაისი-ლარნაკა, ქუთაისი-სოფია. Read more

რა განასხვავებს პრაღის და თბილისის ინფრასტრუქტურას

პრაღა

ორი ქალაქის ტურისტული პოტენციალი თვალის ერთი შევლებით

ქალაქებში თანამედროვე ტურიზმის მნიშვნელოვანი განვითარება შესაბამისი ინფრასტრუქტურის გარეშე რომ შეუძლებელია, თუნდაც საქართველოს მაგალითიდან ჩანს. თბილისის ინფრასტრუქტურა განვითარებული ქვეყნების ქალაქებთან შედარებით საკმაოდ ცუდ დღეშია, რასაც არამარტო უცხოელი ვიზიტორი, ადგილობრივი მაცხოვრებელიც კარგად ხედავს. რა უნდა გაითვალისწინოს ხელისუფლებამ და რა მიმართულებით უნდა იაროს, ამის მაგალითად თუნდაც ის ქალაქები გამოდგება, რომელსაც თბილისის მსგავსად კომუნისტურ ეპოქაში მოუწია არსებობა და შემდეგ უკვე დამოუკიდებელი ქვეყნის პირობებში აგრძელებს განვითარების გზას. Read more

როგორ ვიმგზავროთ ბუდაპეშტში

ბუდაპეშტს საკმაოდ გამართული “ინტეგრირებული” ურბანული სატრანსპორტო სისტემა გააჩნია. ეს იმას ნიშნავს, რომ საქალაქო ავტობუსები, ტროლეიბუსები, ტრამვაი, მეტრო, მდინარის ტრამვაი და საგარეუბნო მატარებლებიც კი ერთმანეთთან არის დაკავშირებული განრიგით და ინფრასტრუქტურით. ამგვარი ტრანსპორტი კიდევ უფრო სასიამოვნოს ხდის ბუდაპეშტში ქუჩებში ხეტიალს.

ბუდაპეშტის ტრამვაი

საზოგადოებრივ ტრანსპორტთან პირველი შეხება აეროპორტიდან იწყება. 200E არის ავტობუსი რომელიც მეტროს ყველაზე ახლო სადგურთან მიგიყვანთ. ლურჯი ავტობუსი პირდაპირ აეროპორტის ტერმინალის გამოსასვლელთან ჩერდება. მაგრამ სანამ ავტობუსში ჩაჯდებით უნდა შეიძინოთ ბილეთი. ამის გაკეთება მძღოლთანაც შეგიძლიათ, მაგრამ მას მხოლოდ ერთი ტიპის ბილეთები აქვს და ეს არახელსაყრელია. შევეცდები ავხსნა რა ტიპის ბილეთი არის ყველაზე ოპტიმალური. Read more

აპარტამენტები ბუდაპეშტში

ბუდაპეშტის ერთ-ერთი მთავარი ხიბლი, სილამაზესთან ერთად, სიიაფეა, როგორც ავიაბილეთების, მოგზაურობის წვრილმანი ხარჯების, ასევე საცხოვრებლის. ამ მხრივ Airbnb დიდ არჩევანს გვთავაზობს. თუ როგორ მუშაობს ეს სისტემა აღწერილი მაქვს სპეციალურ პოსტში.

პირველი აპარტამენტი, რომელშიც 5 დღე ვცხოვრობდი მდებარეობს ბუდაპეშტის ცენტრალურ უბანში, პარლამენტის მახლობლად, მეტროსადგურ Arany János utca-ის გვერდით. გთავაზობთ ამ ბინის ვიდეოაღწერას, რომელიც 1 დღე 27 აშშ დოლარი ღირს. Read more

მეტროს მუზეუმი

IMG_7165-1

დუნაიზე უნგრების დამკვიდრების, “სამშობლოში დაფუძნების” 1000 წლის აღსანიშნავად, 1896 წელს ბუდაპეშტში მუშაობა დაიწყო მეტრომ, რომელიც პირველი იყო კონტინენტალურ ევროპაში და ერთ-ერთი პირველი მთელს მსოფლიოში. Read more

ბუდაპეშტის ცენტრალური ბაზარი

ბაზარში ვაჭრობა არასდროს მიყვარდა, ჩვენს ბაზრებში გამეფებული უწესრიგობისა და ანტისანიტარიის გამო. ყველაზე მეტად კი გასასვლელებში გამვლელთა ფეხებში ჩადგმული ყუთები და გარევაჭრობა მაღიზიანებს, მაგრამ…

ბუდაპეშტის ბაზარი

ბუდაპეშტის ცენტრალურმა ბაზარმა ჩემი წარმოდგენები შეცვალა. სისუფთავე, წესრიგი და მრავალფეროვანი პროდუქცია ბაზრის ისტორიულ, არქიტექტურულად გამორჩეულ, ლამაზ შენობაშია თავმოყრილი. Read more

ბიუჯეტური მოგზაურობის ნაკლი

ბიუჯეტურ მოგზაურობას ორი მხარე აქვს. სიიაფე უსიტყვოდ მისი დადებითი მხარეა. რა არის მეორე, პირობითად უარყოფითი მხარე?

IMG_20160112_053737

ხელბარგით შეზღუდული მგზავრობის (დიდი ჩანთა დამატებითი თანხა ღირს) გარდა მთავარ სირთულეს წარმოადგენს თვითმფრინავის სკამები. ისინი დაახლოებით იმ ზომებზეა “მოჭრილი” როგორიცაა თბილისი-ქუთაისის “მარშრუტკის” სკამები. 1.80 მეტრის სტანდარტული კაცისთვის ამ სკამებზე ჯდომა დიდი დისკომფორტია. Read more

როგორ ვიმოგზაუროთ ევროპაში იაფად?

ბუდაპეშტი

ბუდაპეშტში ბიუჯეტურზე ბიუჯეტური ტურით მივემგზავრები. მოკლედ იმის შესახებ თუ როგორ შეიძლება 150-200 ევროდ მოინახულო ევროპის ერთ-ერთი ულამაზესი ქალაქი. Read more

გზამკვლევი ევროკავშირის სივრცეში უვიზო მიმოსვლისთვის

საქართველოს მოქალაქეებს შესაძლებლობა ექნებათ უვიზოდ იმოგზაურონ ევროკავშირის/შენგენის წევრ ქვეყნებში ევროკავშირთან უვიზო მიმოსვლის რეჟიმის ამოქმედების შემდგომ.

Shengen-Zone

უვიზო მიმოსვლის რეჟიმის შემოღების მთავარი წინაპირობაა საქართველოს მიერ სავიზო რეჟიმის ლიბერალიზაციის სამოქმედო გეგმით (VLAP) განსაზღვრული მოთხოვნების შესრულება. სამოქმედო გეგმის შესრულებისა და შესაბამისი პოლიტიკური გადაწყვეტილების მიღების შემდეგ, ევროკავშირის N539/2001 რეგულაციაში შესაბამისი ცვლილების განხორციელების გზით საქართველოსთან უვიზო მიმოსვლის რეჟიმი ამოქმედდება.  Read more

რისი ნახვა შეიძლება კრაკოვში ერთ დღეში

რისი ნახვა შეიძლება ერთ დღეში პოლონეთის უძველეს და ულამაზეს ქალაქში, რომელის თითოეული კვადრატული მეტრი გაჟღენთილია დიდი კულტურით, უამრავი ტრაგედიითა და წინააღმდეგობრივი ისტორიით?

ვაველის სასახლე

ჩემს ძველ პოსტებში აღწერილია თუ როგორ უნდა ჩახვიდეთ კრაკოვში დაბალბიუჯეტიანი ავიაკომპანიის მეშვეობით. მოკლედ, აეროპორტიდან თავდაპირველად აუცილებლად მოხვდებით ავტოსადგურში ან რკინიგზის სადგურში, რომლებიც ერთმანეთის გვერდით მდებარეობენ. ორივე ისტორიული ქალაქის ცენტრის მახლობლადაა და აქედან სრულიად შესაძლებელია მოგზაურობის დაწყება ფეხით.

ვაგზლისპირა მოედანი და შესასვლელი სავაჭრო ცენტრში “გალერია კრაკოვსკა”. სხვათაშორის, ამ სავაჭრო ცენტრში შესაძლებელია პირდაპირ მოხვდეთ ავტოსადგურიდან ან კიდევ მატარებლის ბაქნიდან ლიფტით ან ესკალატორით, ყველაფერი ინტერგრირებულია. ამ მოედნის გადაღმა, სადაც მიწისქვეშა გადასასვლელით მოხვდებით, იწყება პარკი, რომელიც გარს აკრავს ძველი ქალქის ყველაზე ძველ ნაწილს.

“ბარბაკანი”, გალავანშემოვლებული ქალაქის მთავარი შესასვლელი. ის მეთხუთმეტე საუკუნის მიწურულს ააგეს და გარშემორტყმული იყო თხრილებითა და არხებთ. მასში შესვლა არა პირდაპირ, არამედ გალავნის კედლის პარალელურად, გვერდიდან ხდებოდა, რაც ქალაქის დამცველებს საშუალებას აძლევდა კარიბჭეს მიმდგარი მტერი გალავნის სათოფურებიდან მიზანში თავისუფლად ამოეღო. ბარბაკანის შესასვლელებში მოწყობილი იყო ასაწევი ხიდი. ასეთივე ხიდი აკავშირებდა მას კრაკოვის მთავარი კარიბჭის კოშკთან.

წმინდა ფლორიანის კარიბჭის კოშკი მე-14 საუკუნით თარიღდება და ბარბაკანის შემდეგ მასაც მნიშვნელოვანი თავდაცვითი ფუნქცია ჰქონდა. ახლა აქ თავს იყრიან ქუჩის მუსიკოსები და სილეზიის ფოლკლორული ჰანგებით ალამაზებენ ძველი ქალაქის მთავარ ქუჩას. ქუჩის ბოლოში კი მოსჩანს კრაკოვის მთავარი მოედანი.

Rynek Główny (რინეკ გლუვნი) – ბაზრის მოედანი. ის ევროპაში შუა საუკუნეების ერთ-ერთ ყველაზე დიდ ურბანულ სივრცედ ითვლება. ბაზრის მოედანი მე-13 საუკუნეში ჩამოყალიბდა და დღეს ტურისტების თავშეყრის მთავარ ადგილ წარმოადგენს. მოედნის შუაგულში განლაგებული რატუშის შიგნით ბაზარი ახლაც ფუნქციონირებს. იქ ძირითადად ტურისტული სუვენირები იყიდება. თუმცა სხვადასხვა დღესასწაულებზე ბაზრის მოედანზე ბაზრობები და კონცერტებიც იმართება. Read more