მგზავრობა იაფად და კომფორტულად ცენტრალურ ევროპაში

მოკლედ, დაბალბიუჯეტიანი მოგზაურების ევროპაში ხეტიალისთვის სულ უფრო და უფრო მეტი საშუალებები ჩნდება.

Leo Express

ლეოპარდივით მაგარმა და სწრაფმა სატრანსპორტო კომპანია “ლეო-ექსპრესმა“, რომლითაც კრაკოვიდან პრაღაში და პრაღიდან კატოვიცეში თბილისი-ბათუმის ფასად ვიმგზავრე, მარშრუტი დააგრძელა და ვარშვამდეც ჩააღწია. Read more

ვინექსპო 2016

WinExpo - 2016

ჩემს აპარტამენტში უცხოელ სტუმრებს ყოველთვის საჩუქრად გადავცემ ხოლმე ქართულ ღვინოს. შესაბამისად ღვინის საბითუმო მომწოდებელს დავეძებ. ღვინის იაფად შესაძენად სუპერმარკეტში ფასდაკლების აქციების ლოდინი არ ამართლებს. ჩემს მდგომარეობაშია აპარტამენტის ბევრი მფლობელი, ასევე ბევრი საოჯახო სასტუმრო…  Read more

ახალი ღვინის ფესტივალი 2016

14 მაისს, მთაწმინდის პარკში, ღვინის კლუბის ორგანიზებით უკვე მეშვიდედ ჩატარდა ახალი ღვინის ფესტივალი.

2015 წლის მოსავლის ღვინოები წარმოადგინეს მცირე-ოჯახურმა მარნებმა (102 მარანი) დ საშუალო და დიდმა მეღვინეობებმა (78 ღვინის კომპანია).

ახალი ღვინის ფესტივალზე ტრადიციულად ჩატარდა ქვევრის საზეიმო გახსნის ცერემონიალი. გათამაშდა საუკეთესო საფერავით სავსე სასაჩუქრე კასრები…

რამდენად იოლია ქუთაისიდან ფრენა

რამდენად იოლია ქუთაისიდან ფრენა

ცნობილია, რომ ევროპაში მოგზაურობა ძალიან იაფია დავით აღმაშენებლის სახელობის ქუთაისის საერთაშორისო აეროპორტიდან. თუ როგორ უნდა შეიძინოთ იაფი ავიაბილეთები, იაფი სასტუმროები და აპარტამენტები, ამის შესახებ გაეცანით წინა პოსტებს. ხოლო, თავად ქუთაისიდან ევროპაში მგზავრობის პროცესი თავისი სირთულეებითა და თავისებურებებით შეგიძლიათ იხილოთ ამ ვიდეოში. მგზავრობა იწყება თბილისიდან ავტომობილით, გრძელდება ქუთაისიდან თვითმფრინავით კატოვიცემდე და შემდეგ მიკროავტობუსით კრაკოვამდე.

მცირებიუჯეტიანი მოგზაურობის მოსაწყობად იაფფასიანი სასტუმროს შერჩევაც დაგჭირდებათ. ეძებეთ არა ბუკინგკომზე, ან სხვა რაიმე მსგავს საიტზე, არამედ მათში საუკეთესო ვარიანტების მაძიებელ hotelscombined.com-ზე. თუ უცხოეთში დაბინავების კიდევ უფრო იაფი ვარიანტი გინდათ, მაშინ აპარტამენტები გადაათვალიერეთ. ესაა ჩვეულებრივი ბინა, ან ოთახი ბინაში, რომელსაც თან ახლავს სასტუმროსათვის დამახასიათებელი მომსახურება. თუ ამ ბმულიდან დაჯავშნით ბინას თქვენ მიიღებთ 20 დოლარის კრედიტს Airbnb-ზე.

შტადლერი თბილისსა და ბათუმს შორის

თბილისიდან ბათუმში Stadler-ის ორსართულიანი მატარებლით იმგზავრებთო – გამოაცხადა “საქართველოს რკინიგზამ”. ამ სახელმწიფო კომპანიის პრესრელიზში წერია, რომ “2016 წლის ზაფხული-შემოდგომის სეზონიდან მგზავრებს შესაძლებლობა ექნებათ ევროპული სტანდარტის Stadler Kiss მოდელის მატარებლით იმგზავრონ, რომლის ანალოგით დღეს ევროპის განვითარებულ ქვეყნებში მგზავრობენ.”

დაგვიანებული მგზავრები

ეს ფოტო ბუდაპეშტის რკინიგზის სადგურში გადავიღე, მამა-შვილს რამდენიმე წამით გაასწრო “შტადლერის” მარკის მატარებელმა. მეორე ანალოგიური შემადგენლობა კი გვერდით დგას და თავის დროს ელოდება. Read more

არასტანდარტული ექსკურსიები რუსულ ენაზე

არასტანდარტული ექსკურსიები რუსულ ენაზე

რომელი ტურისტული კომპანია ჩაგიყვანთ მიწისქვეშეთში მეტროს მიტოვებული გვირაბის ან სამხედრო ობიექტის დასათვალიერებლად? რომელი ტური გაჩვენებთ თბილისის უცნობ, უნიკალურ შენობებს და მოგიყვებათ მათ ისტორიას? ვინ გეტყვით რა არის “ტუროშ ტაშკა” და გაგაცნობთ ბუდაპეშტის ნამდვილ და არა შელამაზებულ ყოფა-ცხოვრებას. მოკლედ ვისაც საკუთარი თუ სხვისი ქალაქის არასტანდარტული მხარე უნდა რომ დაინახოს – ეს საიტი მათთვისაა, თუმცა ჯერჯერობით მხოლოდ რუსულ ენაზე.  Read more

სასტუმრო თუ აპარტამენტი?

რომელი სჯობს, სასტუმრო თუ აპარტამენტი – ეს ქართული ტურისტული ინტერნეტფორუმების ერთ-ერთი აქტუალური თემაა. მოგზაურობისას ბევრი უპირატესობას ანიჭებს სასტუმროში დაბინავებას და აპარტამენტების (ბინების) გაქირავების სერვისს არ აღიარებს. მე კი საპირისპირო აზრი ჩამომიყალიბდა და თუ რატომ პოლონეთის ულამაზესი ქალაქის კრაკოვის ერთი სასტუმროსა და აპარტამენტის მიმოხილვის საფუძველზე გავარჩიოთ.

Hotel ibis Krakow Centrum

ეს არის სასტუმროების ცნობილი ქსელის ibis-ის ორადგილიანი ნომერი კრაკოვში სამვარსკვლავიან სასტუმრო Hotel ibis Krakow Centrum-ში. ამ მომენტში ორ ადგილიანი ნომრის დაჯავშნა შესაძლებელია 70 ევროდ. რეალურად ეს ოთახი უფრო პატარა ზომისაა და ასე გამოიყურება. Read more

თბილისის ფუნიკულიორი 111 წლისაა

ფუნიკულიორი

1905 წლის 27 მარტის დილით ფუნიკულიორი საზეიმო ვითარებაში გაიხსნა.

1900 წელს თბილისის მთავრობასა და ბელგიურ ანონიმურ საზოგადოებას შორის გაფორმებული ხელშეკრულების თანახმად, ბელგიელებს ფუნიკულიორი 45-წლიანი იჯარით გადაეცათ. ვადის გასვლის შემდეგ ციცაბო მთაზე მოწყობილი ტრამვაი ქალაქის საკუთრება უნდა გამხდარიყო. ფუნიკულიორის მშენებლობა 1903 წელს დაიწყო და 1905 წელს დასრულდა. მას ეკისრებოდა ტრამვაის ქვედა ხაზისა და “ზედა თბილისის” ერთმანეთთან დაკავშირების ფუნქცია. მაგრამ 1921 წლის შემდეგ “ზედა თბილისის” მშენებლობის გეგმები დავიწყებას მიეცა.

ნიუგატი პალიაუდვარი

ყოფილ საბჭოთა სივრცეში ამბობდნენ ხოლმე და ეს შეიძლება გასაბჭოებამდეც ასე იყო, რომ ქალაქი რკინიგზის ვაგზლიდან იწყებაო, ან რკინიგზის სადგური ქალაქის სახეაო. ამ გამონათქვამში ჭეშმარიტება დიდი დოზითაა. შეხედეთ თბილისის ვაგზალს და უმალვე მიხვდებით როგორია ქალქი. ეს არის კომუნისტური უსახური არქიტექტურისა და პოსტსაბჭოთა პერიოდის უწესრიგობის ნაზავი, რომელიც დიდ დაუსრულებელ ბაზრობად იქცა. ძველი ევროპული ვაგზალი კი ევროპულ თბილისთან ერთად განადგურდა და წარსულს ჩაბარდა 🙁 გულდასაწყვეტია, რადგან იმ ქალქებში, რომლებსაც კომუნისტურ-საბჭოთა რუსეთთან უფრო ხანმოკლე შეხება ჰქონდათ ბევრი რამ გადარჩა…

Nyugati Railway Station

ძველ ევროპულ ქალაქს ძველი ვაგზალი უნდა ამშვენებდეს. ბუდაპეშტის სამ ძირითად ვაგზალს შორის ერთ-ერთია “ნიუგატის” რკინიგზის სადგური, რომელიც პეშტის მხარეს, ქალაქის შუაგულში მდებარეობს. Read more

როგორ “გავმდიდრდეთ” ბინის გაქირავებით?

ბინის გაქირავება ორ სტუდენტ გოგოზე ან უცხოელზე, შესაბამისად, სტაბილური შემოსავლის – 400-800 ლარის (160-320 აშშ დოლარი) მიღება ბევრი თბილისელის ბიზნესია ან კიდევ ოცნება. თუმცა მოგება შეიძლება გასამმაგდეს და გაოთხმაგდეს თუ ბინას ან ოთახს Airbnb-ის მეშვეობით “დღიურად” უცხოელ ტურისტებზე გააქირავებთ. შენიშვნა: ეს არ არის ჰოსტელი.

airbnb-tbilisi

რატომ “ეარბიენბი”? იმიტომ რომ ეს არის ყველაზე პოპულარული და რეალური საიტი, საიდანაც შეკვეთებს აუცილებლად მიიღებთ და თვეში (ერთოთახიანი ბინის შემთხვევაში) 700, 800, 900 აშშ დოლარის გამომუშავებასაც შეძლებთ. ეს არ არის დაუჯერებელი ამბავი, მითუმეტეს დაბალბიუჯეტიანმა ავიაკომპანია “ვიზეარმა” ევროპიდან ახალი რეისები დაამატა და მოსალოდნელია დაბალბიუჯეტიანი ტურისტების რაოდენობის ზრდაც. უბრალოდ, საჭიროა რამდენიმე რჩევის გათვალისწინება.  Read more