იაფი კვება პრაღაში

იაფი კვება პრაღაში
Rate this post

გახსოვთ “ევროტურიდან” მთვრალი თხა? ჰოდა ეს სცენა გადაღებულია პრაღაში, ჩვენში “კოზელის” სახელით ცნობილი ლუდის რესტორანში “კოზლოვნაში”. რამ გამახსენა ეს ამბავი და უამრავმა შეკითხვებმა პრაღაში იაფი კვების ობიექტების შესახებ. ბიუჯეტური მოგზაურობის მოყვარულთა სამწუხაროდ, პრაღის რესტორნები საკმაოდ გაძვირდა ტურიზმისა და ჩეხეთში ცხოვრების დონის ზრდის პარალელურად. თუ ჩეხური კერძები გაინტერესებთ, ან მოგზაურობისას შიმშილის გრძნობამ შეგაწუხათ და გინდათ ხარისხიანად და საფუძვლიანად გამოიკვებოთ გირჩევთ “კოზლოვნა ლიდიცკა” – Kozlovna Lidická მოინახულოთ.

ეს არის კოზლოვნას ველკოპოპოვეცკი გულიაში, რომელიც 160 ჩეხური კრონა ღირს, დაახლოებით 18 ლარი. თუ კოზლოვნას 15 საათამდე ეწვევით და ლანჩმენიუს შეუკვეთავთ, იმავე ფასად, ანუ 160 კრონად მიიღებთ სუპს პირველ კერძად, შემდეგ თქვენს მიერ არჩეულ ერთ-ერთ ძირითად კერძს, მათ შორის შეგიძლიათ ეს ვებერთელა გულიაში შეუკვეთოთ და პლუს სასმელი. თუ დესერტზე უარს იტყვით, მაშინ იგივე მენიუში 140 კრონას (15 ლარი) გადაიხდით.

კომბოსტოს სუპი სულაც არ ნიშნავს, რომ მასში მხოლოდ კომბოსტოს იპოვით, ძეხვი, კარტოფილი და სტაფილო, შეგიძლიათ არაჟანიც აურიოთ და ისე დანაყრდეთ, რომ გულიაშის ნახევარსაც ვეღარ გაუმკლავდებით. შესაბამისად თუ მხოლოდ სუპით დანაყრებას გადაწყვეტთ სადილი მხოლოდ 40 კრონი დაგიჯდებათ (6 ლარი), ხოლო თუ მხოლოდ გულიაშს აირჩევთ 120 კრონის გადახდა მოგიწევთ.

ეს რაც შეეხება იაფ მენიუს, სხვა მხრივ კოზლოვნას სამზარეულო მრავალფეროვანია და ჩეხური სამზარეულოს საფუძვლიანად შესწავლის საშუალებას იძლევა.

ამ სამზარეულოს საკვანძო კერძია “კოლენო”, დააგემოვნეთ ველკოპოპოვეცკი კოზელის ლუდთან ერთად. სხვა კერძების ჩამოთვლას აღარ შევუდგები, მენიუ იხილეთ საიტზე. მისამართი: Lidická 20, Praha 5

ვინც პრაღაში ბიუჯეტურ მოგზაურობას გეგმავს, გირჩევთ სასტუმროს ან ჰოსტელის მოსაძებნად და მათ შორის საუკეთესო ფასის ასარჩევად გამოიყენეთ სასტუმროების ყველაზე დიდი საძიებო სისტემა: hotelscombined.com – ეს საიტი საშუალებას გაძლევთ “ბუკინგკომის” და სხვა მსგავსი საიტების ფასები ერთმანეთს შეადაროთ და ყველაზე იაფი ვარიანტი აირჩიოთ.

ხოლო, თუ Airbnb-ის მეშვეობით გააკეთებთ შეკვეთას გირჩევთ მანამდე ჩემი გვერდიდან დარეგისტრირდით და 35 ევროან ბონუსსაც მიიღებთ.

და თუ პრაღაში წასვლას ვერ ახერხებთ და ჩეხური სამზარეულოს დაგემოვნების სურვილი გაქვთ, ან ნოსტალგია შემოგაწვათ, კოზლოვნას კერძების გასინჯვა შესაძლებელია თბილისშიც, კოსტავას ქუჩა 46-50-ში.

ეს არის კოზლოვნას თბილისური ფილიალის კოლენოს მენიუ, რომელიც 30 ლარი ღირს, მშვენიერი კერძია 2-3 კაცისთვის. ასევე გირჩევთ მიირთვით პურში მომზადებული გულიაში, უგემრიელესია ლუდთან ერთად 🙂

 

მსგავსი თემები

კომენტარი