იაფი ავიაბილეთები

“ვიზეარის” დაბალფასიანი ავიაფრენების შესახებ დაწერილი პოსტების კომენტარებში ბევრი მეკითხება, არის თუ არა მსგავსი იაფი ავიარეისები ევროპის სხვა ქალაქების მიმართულებით, განსაკუთრებით კი ესპანეთით ინტერესდებიან. ბევრს სამუშაოდ წასული ახლობლების მონახულება სურს, ბევრიც პირიქით მონატრებული სამშობლოს მონახულებაზე ოცნებობს.

პრობლემას ის წარმოადგენს, რომ დაბალბიუჯეტიან ავიაკომპანიებს ტრანზიტული ავიაბილეთები არ აქვთ. ანუ, “ვიზეარი” შეიძლება დაფრინავდეს ესპანეთში, მაგრამ ქუთაისიდან ესპანეთის რეისებზე მოხვედრა დამატებით ძალისხმევას და ხარჯებს მოითხოვს. მაგალითად განვიხილოთ ქუთაისიდან ბუდაპეშტში ფრენა 13 დეკემბერს.

kutaisi-budapest

ბუდაპეშტიდან ბარსელონაში გადაფრენა კი შესაძლებელია მხოლოდ 14 დეკემბერს.

budapest-barselona

ხშირად რეისებს შორის 2-3 დღიანი ინტერველიცაა და ამ ხნის მანძილზე საჭიროა შუალედურ ქალაქში, ამ შემთხვევაში ბუდაპეშტში დაბინავება, ტრანსპორტის და კვების ხარჯების გაწევა, რაც დაბალფასიან ავიაფრენას ძვირ სიამოვნებად აქცევს.

მაშ, როგორ გავფრინდეთ ესპანეთში (ევროპაში) იაფად?

აღმოჩნდა, რომ “ტრანზიტული” (თვითმფრინავიდან თვითმფრინავზე გადაჯდომა 2-3 საათიანი ინტერვალით) მგზავრობა დაბალფასიანი ავიაკომპანიების მეშვეობითაც შეიძლება. ამგვარი მგზავრობის დაგეგმვის საშულებას იძლევა ერთი ჩეხური ვებსაიტი, რომელიც რამდენიმე დღის წინ აღმოვაჩინე: azair.cz

azair.cz

azair.cz – ამ საიტზე განხორციელებული ძებნის შედეგების მიხედვით 13 დეკემბერს ბარსელონაში გადაფრენა მილანის გავლით $49 დოლარი ღირს. ამავე საიტზე ნახავთ სხვა შემოთავაზებებსაც, რომელთა ფასი 50-60 დოლარის ფარგლებშია. პირველი ვარიანტის მიხედვით მილანის აეროპორტში ყოფნა 2:20 საათი მოგიწევთ, რაც სრულიად საკმარისია Wizzair-ის თვითმფრინავიდან ჩამოსავლელად, სასაზღვრო კონტროლის გასავლელად (შენგენის ზონაში შესვლა) და შემდეგ უკვე Easyjet-ის თვითმფრინავში ჩასასხდომად.

აღნიშნული სისტემა არა მხოლოდ ბარსელონაში მოგზაურობის მსურველებს დაეხმარება. azair.cz-ის მეშვეობით შეგიძლიათ იაფი ფრენები დაგეგმოთ 143 ქვეყნის 1018 აეროპორტის მიმართულებით.

azair-map

დაბალბიუჯეტიანი მოგზაურობისას აუცილებლად დაგჭირდებათ იაფფასიანი სასტუმროს ან აპარტამენტის შერჩევა. თავდაპირველად აპარტამენტებზე (ბინებზე). თუ “ეარბიენბიზე” ჩემი გვერდიდან დარეგისტრირდებით 35 ევროს ფასდაკლებას მიიღებთ. სისტემა ამდენივე კრედიტს მჩუქნის მეც. ანუ თქვენი მოგზაურობით მეც ვმოგზაურობ 🙂

airbnb-budapest

თუ როგორ მუშაობს ბინების დაჯავშნის საიტი და რა უპირატესობები აქვს აპარტამენტებს აღწერილი მაქვს სპეციალურ პოსტში.

სასტუმროების მოყვარულებს ბიუჯეტური ვარიანტის მოძიებაში დაგეხმარებათ არა “ბუკინგკომი”, ან სხვა რაიმე მსგავსი საიტი, არამედ მათში საუკეთესო ვარიანტების მაძიებელი hotelscombined.com.

hotelscombined

თუ სასტუმრო გეძვირათ ამავე საიტზე შეგიძლიათ შეარჩიოთ 10-15 ევროიანი ჰოსტელის დამოუკიდებელი ნომერიც, არჩევანი დიდია.

ქუთაისის აეროპორტი

ბილეთების საძიებო სისტემა

კომენტარი